Kanë përfunduar disa takime në kuadër të kualifikimeve për Kupën e Botës.

Ndeshja më interesante ishte mes Holandës dhe Turqisë, ku vendasit fituan me rezultat të thellë 6 – 1.

Qysh në minutën e parë, Kaassen kaloi Holandën në epërsi pas asistimit të Depay.

Dyshja ndryshuan rolët te goli i dytë, ku Depay realizoi dhe Klaassen asistoi (16′).

Depay nuk u ndal me kaq duke shënuar pastaj edhe nga pika e bardhë (38′).

Problemet për Turqinë u shtuan pasi Soyucnu u ndëshkua me të kuq, pasi mori dy kartonë të verdhë.

Ylli i Barcelonës tutje kompletoi het-trikun duke u asistuar nga Berghuis (54′).

Golin e pestë të Holandës e realizoi talenti Til 10 minuta para përfundimit të ndeshjes (80′), kurse fitoren e vulosi Malen (90′).

E tëra që bëri Turqia, ishte goli i nderit shënuar nga Under (90+2).

Pas kësaj fitore, Holanda është lider në grupin G me 13 pikë, aq sa ka edhe Norvegjia, derisa Turqia renditët e treta me 11 pikë.